ons. 17. nov.

|

Kautokeino

Priváhtaekonomiijakursa/Privatøkonomikurs

Ovddos inviterer til et gratis kurs i privat økonomi, som tar utgangspunkt i "sámi birgejupmi" - hvor du får funksjonelle verktøy for å ha kontroll over din økonomi. Kursleder Per Olaf Persen har mange gode metoder som han vil dele, og har også mange gunstige økonomiske råd fra et samisk perspektiv

Registreringen er lukket
Se andre arrangementer
Priváhtaekonomiijakursa/Privatøkonomikurs

Tid og sted

17. nov. 2021, 17:30 – 20:00

Kautokeino, Ajastealli 5, 9520 Kautokeino

Om arrangementet

Sámi eallinvuohki lea erenoamáš, ii ge álo heive mearriduvvon vuogádagaide. Dat sáhttá maid guoskat vuogádagaide mat leat jurddašuvvon leat veahkkin dutnje hálddašit iežat ekonomiija. Liikká lea sámi eallinvuogis hirbmat stuora vejolašvuođat, ja dainna jurdagiin vuolggasadjin leat mii ráhkadan dán priváhtaekonomiijakurssa.

Dát lea nuvttá fálaldat, ja buohkat leat buresboahtimat searvat.

Geavatlaš dieđut

Kursa lágiduvvo Sámi joatkka- ja boazodoalloskuvllas. Boađáhat váldouksaráigge. Eambbo dieđut lanja birra bohtet.

Kursii dieđihat iežat dán liŋkka bokte.

Kurssa birra

Kurssa vuolggasadji lea sámi birgejupmi - gos oaččut doaibmi reaidduid hálddašit iežat ekonomiija ja gávnnahit guđemuš seastinvejolašvuođat dutnje heivejit.

Kursajođiheaddji lea Per Olaf Persen - geas lea nanu ekonomiijaduogáš ja hui olu hárjáneapmi sihke priváhtaekonomiijas ja sámi eallinvuogis.  Dat oktii dahket dán erenoamáš fálaldahkan Guovdageainnu ássiide - nuvttá priváhtaekonomiijakursa mas lea hirbmat buorre kvalitehta.

Kursa juhkkojuvvo guovtti oassái, vuosttaš semináraeahket lea skábmamánu 17. b. dii. 17:30-20:00, ja nubbi semináraeahket lea skábmamánu 23. b. dii. 17:30-20:00.

Oasseváldit barget iežaset bušeahtain. Vuosttaš semináraeahkeda ožžot oasseváldit ruovttubarggu, mas galget gávnnahit iežaset goluid ja deavdit daid bušeahttaskovvái maid buohkat ožžot vuosttaš semináraeahkeda.

Kursajođiheaddji birra

Min kursadoalli Per Olaf Persen lea 55 jagi boaris ja orru Deanus. Son bargá dál iežas ráđđeaddinfitnodagain Gávcci AS ja lea ovdal jođihan Rema 1000 Deanus, ja lea daid maŋemus 17 jagi leamašan báŋkojođiheaddji mas lei ovddasvástádus earret eará Sis- ja Nuorta-Finnmárkku ovddas. Sus lea ekonomiijaduogáš erenoamážit báŋkku, finánssa ja jođiheami guvlui. Iežas fitnodaga lassin de čuovvu son dál BI-gávpeallaskuvlla Master of Management -prográmma mas lea guoddevašvuohta ja dálkkádat guovddážis. Per Olaf lea iežas sámi duogáža dihte hárjánan ávkkástallat luonddus, ee. bivddu, guolásteami, murjema ja murrema bokte ja lohká dan leat oassin bearraša birgejumis.

Dele dette arrangementet