Ovddos lea virgádan guokte ođđa mielbargi, ja soai deaivvaiga leat measta olles gáimmežagat, Ann Maret & Anne Maret.
Nannet prošeavtta ođđa mielbargi
Ann Maret Eira álgá juovlamánu bargat prošeaktamielbargiin Nannet prošektii, boazodoalu resurssa- ja ráđđeaddi prošeavttain. Son galgá bargat veahkkin orohagaide ja boazosápmelaččaide boazodoalloáššiiguin ja orohatáššiiguin.
Ann Maret Eiras lea buorre fágaduogáš, sus lea bachelor boazodoallofágas ja lea bajásšaddan boazodoalus. Son lea 2018 rájes bargan "ealáhusat ja borasspiret Finnmárkkus" prošeavttain.
Prošeaktakoordináhtor jahkái
Anne Maret Sara álgá čakčamánu bargat prošeaktakoordináhtorin Ovddos:ii. Son lea bargan prošeaktajođiheaddjin Ovddos:is muhtun smávit prošeavttain, nu movt báikkálašgeasuheaddjivuođaprošeavttain ja astoáigefálaldatprošeavttain. Sus lea bacheloroahppu ekonomiija- ja administrašuvdnafágas.
Prošeaktakoordináhtorin son galgá hábmet ja leat mielde čađaheame ođđa prošeavttaid mat galget nannet ja ovdanahttit ealáhusaid ja servvodaga Guovdageainnus.
Soai boahtiba leat stuora givrodahkan min team:ai ja mii leat hui movttegat go leat nagodan oažžut sunno mielde min bargui.
(Anne Maret Sara lea lagas olmmoš beaivválaš jođiheaddjái, ja beaivválaš jođiheaddji ii leat leamaš mielde virgáibidjanproseassas)